Кеше аудандағы халықтың тіршілігінен, әлеуметтік әл-ауқатынан, руханияты мен қоғам тынысынан хабар тарататын аудандық «Жалағаш жаршысы» газетінің 90 жылдық мерейтойына орай аудандық Қ.Қазантаев атындағы мәдениет Үйінде танымдық конференция өткізілді.
Конференцияға Қазақстан Журналистер одағының мүшесі, өлкетанушы, жазушы-журналист Ахетов Тұрақ модераторлық жасады.
Танымдық конференцияға кент тұрғындары, зиялы қауым өкілдері, ардагерлер, қаламгер-журналистер, мәслихат депутаттары, бөлім, мекеме басшылары мен шығармашылық өкілдері және аудандық газет редакциясының ұжымы мен сала ардагерлері, газеттің байырғы редакторлары, аймаққа бергілі ақын, журналистер қатысты.
Конференцияның алғашқы сөзін аудан әкімінің орынбасары Ғани Сүлейменов алып, «Жалағаш жаршысы» газетінің аймақта өзіндік өрелі тарихы бар, бағыт-бағдары айқын, аудан жұртшылығы сүйсіне оқитын, тамыры тереңнен бастау алатын беделді басылымдардың бірі екенін айтып, сондықтан да “Жалағаш жаршысы” газетінің мерейтойы бүкіл аудан жұртының ортақ қуанышы, ортақ мерекесі деп айтуға болатынын жеткізді.
Танымдық конференцияда кент ардагерлері кеңесінің төрағасы, «Ерен еңбегі үшін» медалінің иегері Құлмахан Қожатай, Қазақстан Журналистер одағының мүшесі, Қызылорда облыстық мәслихатының депутаты, Шаймагамбетов Амирбек, Қазақстан Журналистер одағының мүшесі, ақын, белгілі журналист Бейбітбек Бүркітбаев, «Сыр Медиа» ЖШС-ның директоры Марат Аралбаев, Қазақстан Журналистер Одағының мүшесі, «Жалағаш ауданының құрметті азаматы», қаламгер-ардагер Рысбай Кәрімов, «Жалағаш жаршысы» газетінің 90 жылдық мерейтойына арналған «Жалағаштың сырлы шежіресі» атты кітап авторы, ақын, ардагер журналист, Қазақстан Журналистер одағының мүшесі Серік Бертаев сөз сөйлеп, «Жалағаш жаршысы» газеті туралы естеліктерімен бөлісіп, аудан жұртшылығын бүгінгі мерейтоймен құттықтады.
Конференция барысында «Жалағаш жаршысы» газетінің 90 жылдық мерейтойына орай облыс әкімі Нұрлыбек Нәлібаевтың газет ұжымын Құттықтауы және өз саласында нәтижелі қызмет атқарған сала қызметкерлері мен қаламгер-ардагерлерге облыс әкімінің бірінші орынбасарының Алғыс хаты, «Қызылорда облысының Құрметті ардагері» медалі, Республикалық салалық кәсіподақтың «Еңбек даңқы» төсбелгісі, аудан әкімінің Құттықтауы, облыстық қоғамдық даму басқармасы басшысының Алғыс хаты, Жалағаш ауданының 85 жылдық медалі, «Жалағаш ауданының Құрметті ардагері» медалі, «Сыр медиа» ЖШС бас директорының Құттықтауы табысталды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
