Жақын адамы үшін ақша керегін айтып, халықтан 5 сағатта 30 млн жинап алды. SMARTNEWS.KZ басылымының хабарлауынша, блогер Фариза Төреәлі жақынының еміне қыруар қаражат қажет екенін айтып, желідегі оқырмандарының көмегіне жүгінуге мәжбүр болды. Желі жұлдызына жазылған жомарт жандар 5 сағаттың ішінде 30 млн теңге жинаған. Бұл туралы KAZ.NUR.KZ жазды.
Төреғали Төреәлінің қарындасы жақыны ауыр дертке шалдығып, оған тез арада ота жасату керек екенін айтты. Блогер ару Instagram-дағы парақшасында көпшілікті көмек қолын созуға шақырды. Фариза Төреәлі 7 күнде 40 млн теңге жинау керек екенін жеткізді. Алайда желі жұлдызының оқырмандары небәрі 5 минутта 1 млн теңге, 2 сағатта 15 млн теңге, 5 сағатта 30 млн теңге жинап берген.
«Мен сбор мүлде жасамаймын білесіздер. Алдыңғы жолы алғаш рет жасап күзетші апаға оқырмандар болып жиналып жарты күнде 20 миллион теңге жинап үй алып берген едік. Бұл жолы жақыным денсаулықпен сыналып жатыр. Жақын адамыңның бұндай хәлге түсуін көру жүрекке қатты батады. Диагнозы өте ауыр. Өзі екі баланың анасы. Балалары анасын сағынып жүр. 7 күнде 40 млн теңге операциясына табу керек болып тұр», – деп жазды блогер.
>>> Біздің Facebook, Instagram парақшаларымыз бен Telegram каналымызға жазылыңыз! <<<
