Фото: Мақсат Шағырбаев/Kazinform
2023 жылғы қыркүйекте 169,4 мың автокөлік есепке қойылды, деп хабарлайды Kazinform ұлттық статбюроға сілтеме жасап.
Бұл көрсеткіш өткен жылдың сәйкес кезеңімен салыстырғанда 1,7 есе көп.
Оның ішінде автобустар – 1,8 есе, жүк автомобильдері – 1,8 есе және жеңіл автомобильдер саны – 1,6 есе өсті.
Осылайша 1 қазандағы жағдай бойынша Қазақстанда тіркелген автокөлік саны – 5 161,8 мыңды құрады.
Оның ішінде:
88% – жеңіл автомобильдер
9,9% – жүк көліктері
2,1% – автобустар.
Сондай-ақ, 2023 жылғы 1 қазандағы жағдай бойынша республикада жеке меншікте 4 542,7 мың жеңіл автокөлік болған.
2022 жылдың тиісті кезеңімен салыстырғанда жеке меншіктегі жеңіл автомобильдер саны 18,6% артты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
