Қытайлық жұмысшылар 9 сағаттың ішінде Қытайдың оңтүстігіндегі Фуцзянь провинциясының Лунъянь қаласында жаңа Наньлун вокзалына теміржол торабын салып, таңғаларлық нәтиже көрсетті.
Қытайлық қызметкерлер атқарған бүкіл жұмыс процесінің видеосы Daily Mail-да жарияланды, деп жазады Stan.kz ақпараттық агенттігі.
Қаңтардың 19-нан 20-сына қараған түні 1500 жұмысшы, 7 пойыз және 23 экскаватор Қытайдағы ең үлкен Ганьлун, Ганьжуйлун және Джанлун теміржол желісін жаңа Наньлун желісімен байланыстырды. Олар тек қана жол салмай, сонымен қатар бағдаршам мен қозғалысты бақылау құралдарын орнатты.
«Tiesiju Civil Engineering» тобының жетекшісінің орынбасары Джань Даосун жобаның қысқа мерзімде орындалу себебін түсіндіре кетті. Оның айтуынша, қызметкерлер бір мезгілде әртүрлі тапсырмаларды орындау үшін жеті бригадаға бөлінген.
>>> Біздің Facebook, Instagram парақшаларымыз бен Telegram каналымызға жазылыңыз! <<<
