Облыстық филармонияда «Діни экстремизм мен терроризмнен сақтану жолдары» тақырыбында кездесу өтті. Шараға филармония директоры Т.Мақашов, Дін мәселелерін зерттеу орталығының теолог маманы Б.Оспанов және филармония қызметкерлері қатысты.
Қатысушылар жүйелі талдауды қажет ететін халықтың діни көзқарасы, дәстүрлі емес діни ағымдардың қыр-сырына қанықпаудың кері әсері туралы пікір алмасты. Жат ағымдарға қарсы тұрудың бірден-бір жолы олар жайлы өз уақытында шынайы мәлімет беру екенін алға тартты. Сондықтан әлемге қауіп төндіріп тұрған мәселе жөнінде филармония қызметкерлеріне тиісті мағлұматтар беріліп, түсіндірме жұмыстары жүргізілді.
Сондай-ақ, мекеме қызметкерлері арасында экстремизм мен террористік іс-әрекеттің алдын алу мақсатында профилактикалық шаралар жиыны өтті.
«СБ» ақпарат.
>>> Біздің Facebook, Instagram парақшаларымыз бен Telegram каналымызға жазылыңыз! <<<
