«Балалар жылына» орай Қызылорда қаласының әкімдігінің ұйымдастыруымен қала және шет аумақтардағы балалар мен жасөспірімдерді кешенді мәдени-спорттық шарамен қамту мақсатында 5 сәуірден бастап ұлттық спорт түрлерінен сайыс өтуде.
Бүгін аталған жарыс Батырхан Шөкенов атындағы саябақта жалғасып, қала әкімінің орынбасары Бектас Нұридинов барша жарысқа қатысушыларға сәттілік тіледі.
![](https://syrboyi.kz/wp-content/uploads/2022/04/baha0742.jpg)
Шара қаламыздың 7 аумағында, яғни қала орталығы, «Ақмаржан», «Титов», «Сырдария», «Мерей»,
«Әл-Фараби» және «Сол жағалау» тұрғын аудандарындағы 800-ден аса мектеп оқушыларын қамтыды.
Жарыс барысында оқушылар қол күрес, арқан тартыс, гір көтеру, бесасық, тоғызқұмалақ, ләңгі тебу, асық ату секілді спорт түрлерінен жарысқа түсіп, өзара мықтыларды анықтады.
![](https://syrboyi.kz/wp-content/uploads/2022/04/baha0632-1.jpg)
Әрбір сайыстың жеңімпаздарына қалалық дене шынықтыру және спорт бөлімінің мадақтамалары мен медальдары табысталды.
Сайыспен қатар, қала өнерпаздарының концерттік бағдарламасы ұсынылып, Б.Шөкеновтың репертуарындағы әндер шырқалды. Сондай-ақ, мектеп оқушылары арасында асфальтқа сурет салудан “Көңілді палитра” атты қалалық байқау өтті.
>>> Біздің Facebook, Instagram парақшаларымыз бен Telegram каналымызға жазылыңыз! <<<