Қазақ бүгінде ежелгі қазақи ырым-жоралардан алшақтап қалды ма? Бағзыдан қалған осынау құндылықтары әлі күнге сақталып келе ме?
Жалпы, қазақ өзін ежелден ырымшыл халық санайды. Өйткені, ырым-жоралар халықпен ғасырлар бойы бірге жасасып келеді. Ол салт-сана мен әдет-ғұрпымызда, тұрмыс-тіршілігімізде кеңінен көрініс тапқан.
Ырымдардың барлығы бірдей жақсылыққа кенелтетін болжамдармен ғана емес, адамға төнетін қауіп-қатер туралы да жорамал жасауға мүмкіндік береді. «Ырымға сену керек пе, әлде сенбеу керек пе?» деген мәселенің құпиясы әлі күнге дейін ашылған емес.
Өзім жас кезімнен ата-әжемнен көптеген ырым-тыйымдар туралы естіп өстім. Мысалы, «Ағарғанды төкпе», «Босағаны керме», «Үлкеннің алдынан кесіп өтпе», «Түске дейін ұйықтама», «Жыртақтап күліп, сыпсыңдап сөйлеме» және т.б. Осы ырым-жораларды қалтқысыз орындасақ, құндылықтарымыздың сақталары анық.
Аружан БЕКТУҒАН,
М.Мәметова атындағы жоғары педагогикалық
колледжінің студенті.
>>> Біздің Facebook, Instagram парақшаларымыз бен Telegram каналымызға жазылыңыз! <<<