Бүгін Қызылорда облысы Шиелі ауданының Бәйтерек ауылдық округінде әкім сайлауы өтті, деп хабарлайды Kazinform.
Бәйтерек ауылдық округінде электорат саны – 2490, олардың 1797-сі дауыс берді. Тіркелген 3 кандидаттың бәрі де сайлауға өзін-өзі ұсыну тәртібімен түсті.
Нәтижесінде 1498 дауысқа ие болған Жүсіпов Серік Рашұлы ауыл әкімі болып сайланды. Ол 1963 жылы туған, ұлты қазақ, Бәйтерек ауылында тұрады.
Айта кетсек, 10 желтоқсанда Қызылорда облысында аудандық маңызы бар 11 қала, кент, ауылдық округ әкімдерінің сайлауы өтті.
Жыл басынан Қызылорда өңірінде 38 ауылдың әкімі сайланды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
