Дін қызметкерлері құрмет грамотасымен марапатталды

903

1

Бүгін облыс әкімінің орынбасары Серік Ахмет қаладағы «Айтбай» мешіті және Православие шіркеуінің жұмысымен танысып, дін қызметкерлеріне Тәуелсіздік күніне арналған мерекелік марапаттарды табыстады.

Бір жарым ғасырлық тарихы бар «Айтбай» мешітінің жанынан қосымша ғимарат салынып жатыр. Жаңа ғимаратта дәрісхана мен кітапхана орналасады. Сонымен қатар мешіт ауласына абаттандыру жұмыстары жүргізілуде.

Дін өкілдерімен кездесу барысында облыс әкімінің орынбасары зайырлы мемлекеттегі мәдениетаралық және конфессияаралық келісімді сақтауда, егемен елдің дамуына өз үлесін қосып жүрген сала өкілдерін облыстың Құрмет грамотасымен, облыс әкімінің «Алғыс хатымен», «Қазақстан халқы Ассамблеясының 25 жылдығы» медалімен марапаттады.

– Алдымен сіздерді алда келе жатқан Қазақстан Республикасының Тәуелсіздік күні мерекесімен құттықтаймын. Сонымен бірге биылғы жылы Қазақстан Мұсылмандары діни басқармасының құрылғанына 30 жыл толды. Дін – адамзат пен қоғам үшін мәдени өркениеттің маңызды ошағы. Сондықтан, ел тәуелсіздігінің дамуы жолында қоғамда бейбітшілік пен келісімді сақтауда сіздердің де еңбектеріңіз ерен деп білеміз, – деді Серік Әбжеліұлы.

Құрметке бөленгендердің қатарында «Зекет» қайырымдылық қорының облыстағы жетекшісі Оңталап Жидебаев та бар. Ол жабыққан жандардың жанынан табылып, 18 отбасының баспана мәселесін шешуге үлес қосты.

Пікірлер:
  • Марапаттарыңыз құтты болсын! Өте лайықты марапат. Еліміздің шиеленіскен жағдайында дұрыс шешім қабылдап, мұқтаж жандарға үлкен садақа жасадыңыздар.Жастарға да дұрыс дінде жүруіне уағыз, насихат жүргізіп жүрсіздер. Алла Сіздерге екі дүниенің бақытын нəсіп етсін! Ел үшін жасаған еңбектеріңіз жана берсін! Алла разы болсын!

Пікір жазыңыз