Емханалар жанынан құрылған барлығы 161 мобильді топ халыққа қызмет көрсетуде. Айта кету керек, бұған дейін мобильді бригаданың саны 125 еді.
Науқастарға амбулаторлы жағдайда медициналық көмек көрсету, динамикалық бақылауды қажет ететін науқастарды үй жағдайында бақылау жасау үшін жасақталған мониторингтік топтардың 33-і қалада, 28-і аудан орталықтарында және 100-і елді мекендерде.
13 шілдеден бастап пневмония диагнозы қойылып, амбулаторлы емді қажет ететін науқастарға «Үй жағдайындағы стационар» қызметі қосылған болатын. Аталған қызмет 7 БМСК ұйымында (№№1,6 қалалық емхана, «Сенім» ЖШС, Арал, Қармақшы, Жаңақорған аудандары және «Қазалы теміржол» ЖШС) құрылған.
>>> Біздің Facebook, Instagram парақшаларымыз бен Telegram каналымызға жазылыңыз! <<<