ИМАМ БІЛІМДІ БОЛСА…

419

0

Қызылордада имамдардың білімін жетілдіруге арналған үшкүндік семинар қорытындыланды.
Қазақстан мұсылмандары діни басқармасы асыл дінімізді насихаттауда имамдардың ролін арттырып, білімімін күшейтуге мән беріп келеді. Басқарманың облыстағы өкілдігі, «Ақмешіт-Сырдария» орталық мешіті семинарды осы мақсатта ұйымдастырды. ҚМДБ-ның облыс бойынша өкілі, мешіттің бас имамы Болатбек қажы Ұласқанұлы дін қызметкерлерінің білім-біліктілігін арттыру шаралары тұрақты түрде жүргізілетінін жеткізді.
– Бір кездері елімізде «Фатиха» сүресін оқи білетін адамды имам етіп тағайындайтын да уақыт болған. Бірақ бүгінде қоғам өзгерді. Халық ненің не екенін ажырата біледі. Сондықтан имамдарға қойылатын талаптар көбейді, – деді Б.Ұласқанұлы.
Басқосуда облыстық ішкі саясат басқармасы дін мәселелерін зерттеу орталығының, облыстық ішкі істер департаменті экстремизмге қарсы күрес басқармасының өкілдері, Қызылорда қаласы мен аудандардағы имамдар әртүрлі тақырыптарда баяндама жасап, ой-пікірлерін ортаға салды. Дін мен дәстүрімізді, тағылымды тарихымызды оқып, руханиятқа сусындап өскенде ғана халық жат ағымдардың жетегінде кетпейтінін айтты. Ол үшін дін қызметкерлерінің деңгейі жоғары болуы тиіс.

Н.ҚАЗЫБАЙҚЫЗЫ.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<