Baker Tilly Qazaqstan Advisory компаниясы Қазақстандағы екінші деңгейлі банктердің рейтингін балдық есептеу жүйесі негізінде жасады. Ақпараттың негізгі көздері ретінде Қазақстан Ұлттық банкінің деректері, KASE.kz және банктердің ресми сайттарынан алынды. Бұл туралы Stan.kz ақпарат агенттігі хабарлайды.
Банктер 12 негізгі көрсеткіш бойынша бағаланды. Әр көрсеткіштің рейтингтегі әсері әртүрлі болғандықтан, оларға маңыздылығына қарай жеке салмақ берілді.
Әр көрсеткіштің қаншалықты маңызды екендігін Baker Tilly Qazaqstan Advisory сарапшылары анықтаған. Олар бұл үшін ашық дереккөздердегі мәліметтер мен қаржы нарығы мамандарының пікірлеріне сүйенген. Рейтинг бірнеше кезеңмен жасалды:
- Алдымен банктер әр қаржылық көрсеткіш бойынша ең жақсы нәтижеден ең төменгі нәтижеге дейін реттелді.
- Әр банкке алған орнына қарай балл берілді.
- Кейін 12 көрсеткіш бойынша жиналған баллдар қосылып, әр банктің жалпы ұпайы есептелді.
- Соңында банктер осы жалпы ұпай бойынша қайта реттеліп, қорытынды рейтинг жасалды.
Яғни, рейтинг бір ғана көрсеткішке емес, 12 түрлі көрсеткіш бойынша жинаған жалпы ұпайға негізделген.
Балл есептеу кезінде әр көрсеткіштің маңыздылығы да ескерілді. Маңызы жоғары көрсеткіштер рейтингке көбірек әсер етсе, маңызы төмен көрсеткіштердің ықпалы аз болды.
Рейтингте 2025 жылдың 1 қаңтары мен 31 желтоқсаны аралығындағы кезең қамтылған.
Бағалау кезінде банктерге мынадай көрсеткіштер бойынша балл берілді:
Тұрақтылық:
- Активтер – 15 балл;
- Депозиттер – 10 балл;
- Меншікті капитал – 15 балл.
Тиімділік:
- Активтердің өсімі – 3 балл;
- Депозиттердің өсімі – 3 балл;
- Капиталдың өсімі – 3 балл;
- Несие портфелінің өсімі – 3 балл;
- Проблемалық несиелер (NPL) деңгейінің өзгерісі – 3 балл.
Табыстылық:
- Активтердің табыстылығы (ROA) – 8 балл;
- Меншікті капиталдың табыстылығы (ROE) – 8 балл;
- Таза пайда көрсеткіші – 8 балл.
- Халықаралық рейтингтік агенттіктердің бағасы:
- S&P, Fitch және Moody’s рейтингтері – 21 балл.
Осылайша, рейтинг 12 көрсеткіш негізінде жасалып, олардың жалпы ең жоғары ұпайы – 100 балл.
Бағыттар бойынша ең көп берілетін балл саны мынадай:
Тұрақтылық – 40 балл;
Тиімділік – 15 балл;
Табыстылық – 24 балл;
Халықаралық рейтингтік агенттіктердің бағасы – 21 балл.
Kaspi Bank 2026 жылғы рейтингте 1-орынға ие болды.
Банктің активтері – 9,48 триллион теңгені, ал меншікті капиталы – 1,3 триллион теңге. 2025 жылдың қорытындысы бойынша Kaspi Bank 571,6 миллиард теңге таза пайда тапқан. Халықаралық рейтингтік агенттіктердің бағалауынша, Fitch агенттігі 2025 жылғы 10 қыркүйекте банкке BBB– деңгейіндегі рейтинг беріп, болжамын «Тұрақты» деп бағалады. Ал Moody’s агенттігі 2026 жылғы 18 ақпанда банктің рейтингін Baa3 деңгейінде растап, болжамын да «Тұрақты» деп белгіледі.
Halyk Bank 2026 жылғы рейтингте 2-орынға жайғасты.
Банктің активтері 20,27 триллион теңгені, ал меншікті капиталы 3,53 триллион теңгені құрады. 2025 жылдың қорытындысы бойынша банк 976,9 миллиард теңге таза пайда тапқан.
Халықаралық рейтингтік агенттіктердің бағалауынша, S&P агенттігі 2026 жылғы 26 мамырда банкке BBB– рейтингін беріп, болжамын «Тұрақты» деп бағалады. Fitch агенттігі 2025 жылғы 17 қыркүйекте де BBB– рейтингін және «Тұрақты» болжамын растады. Ал Moody’s агенттігі 2024 жылғы 12 қыркүйекте банктің рейтингін Baa1 деңгейінде бағалап, болжамын «Тұрақты» деп белгіледі.
Банк ЦентрКредит 3-орынға ие болды.
Банктің активтері 8,57 триллион теңгені, ал меншікті капиталы 810,5 миллиард теңгені құрады. 2025 жылдың қорытындысы бойынша банк 240,2 миллиард теңге таза пайда тапқан. Халықаралық рейтингтік агенттіктердің бағалауынша, S&P агенттігі 2025 жылғы 28 тамызда банкке BB рейтингін беріп, болжамын оң деп бағалады. Ал Moody’s агенттігі 2025 жылғы 10 қыркүйекте банктің рейтингін Baa3 деңгейінде растап, болжамын «Тұрақты» деп белгіледі.
ForteBank рейтингте 4-орынға жайғасты.
Банктің активтері 5,17 триллион теңгені, ал меншікті капиталы 787,9 миллиард теңгені құрады. 2025 жылдың қорытындысы бойынша банк 182,3 миллиард теңге таза пайда тапқан. Халықаралық рейтингтік агенттіктердің бағалауынша, Fitch агенттігі 2025 жылғы 22 шілдеде банкке BB рейтингін беріп, болжамын «Тұрақты» деп бағалады. Ал Moody’s агенттігі 2025 жылғы 17 шілдеде банктің рейтингін Ba2 деңгейінде бағалап, болжамын оң деп белгіледі. ForteBank басқарма төрағасы – Талғат Қуанышев.
Отбасы банк 2026 жылғы рейтингте 5-орында тұр.
Банктің активтері 5,2 триллион теңгені, ал меншікті капиталы 766,5 миллиард теңгені құрады. 2025 жылдың қорытындысы бойынша банк 127,5 миллиард теңге таза пайда тапқан.
Халықаралық рейтингтік агенттіктердің бағалауынша, Fitch агенттігі 2025 жылғы 16 шілдеде банкке BBB рейтингін беріп, болжамын «Тұрақты» деп бағалады. Ал Moody’s агенттігі 2025 жылғы 18 қарашада банктің рейтингін Baa1 деңгейінде растап, болжамын «Тұрақты» деп белгіледі. Отбасы банкінің басқарма төрайымы – Ләззат Ибрагимова.
Altyn Bank 6-орынға тұрақтады.
Банктің активтері 1,33 триллион теңгені, ал меншікті капиталы 165,4 миллиард теңгені құрады. 2025 жылдың қорытындысы бойынша банк 40 миллиард теңге таза пайда тапқан.
Халықаралық рейтингтік агенттіктердің бағалауынша, Fitch агенттігі 2026 жылғы 10 сәуірде банкке BBB+ рейтингін беріп, болжамын «Тұрақты» деп бағалады. Ал Moody’s агенттігі 2024 жылғы 12 қыркүйекте банктің рейтингін Baa3 деңгейінде растап, болжамын «Тұрақты» деп белгіледі. Altyn Bank басқарма төрағасы – Мұрат Байсынов.
Алматыдағы Қытайдың Өнеркәсіптік және коммерциялық банкі 7-орынға ие болды.
Банктің активтері 616,9 миллиард теңгені, ал меншікті капиталы 115,3 миллиард теңгені құрады. 2025 жылдың қорытындысы бойынша банк 28,9 миллиард теңге таза пайда тапқан. Халықаралық рейтингтік агенттік Fitch 2025 жылғы 17 желтоқсанда банкке BBB+ рейтингін беріп, болжамын «Тұрақты» деп бағалады. Банктің басқарма төрағасы – Хунхай Люй.
Bank RBK 9-орында тұр.
Банктің активтері 2,73 триллион теңгені, ал меншікті капиталы 248,6 миллиард теңгені құрады. 2025 жылдың қорытындысы бойынша банк 64,2 миллиард теңге таза пайда тапқан. Халықаралық рейтингтік агенттіктердің бағалауынша, Fitch агенттігі 2026 жылғы 9 сәуірде банкке BB рейтингін беріп, болжамын «Тұрақты» деп бағалады. Сол күні Moody’s агенттігі де банктің рейтингін Ba2 деңгейінде растап, болжамын «Тұрақты» деп белгіледі. Bank RBK басқарма төрайымы – Наталья Акентьева.
Bereke Bank 10-орынға ие болды.
Банктің активтері 2,8 триллион теңгені, ал меншікті капиталы 234,5 миллиард теңгені құрады. 2025 жылдың қорытындысы бойынша банк 59,6 миллиард теңге таза пайда тапқан. Халықаралық рейтингтік агенттік Fitch 2026 жылғы 13 сәуірде банкке B+ рейтингін беріп, болжамын «Оң» деп бағалады. Bereke Bank басқарма төрағасы – Андрей Тимченко.
Қазақстандағы Қытай Банкі (Bank of China Kazakhstan) рейтингте 11-орынға жайғасты. Банктің активтері 580 миллиард теңгені, ал меншікті капиталы 128,5 миллиард теңгені құрады. 2025 жылдың қорытындысы бойынша банк 26,4 миллиард теңге таза пайда тапқан. Халықаралық рейтингтік агенттік Fitch 2025 жылғы 17 желтоқсанда банкке BBB+ рейтингін беріп, болжамын «Тұрақты» деп бағалады. Банктің басқарма төрағасы – Юаньмин Хоу.
Home Credit Bank 12-орынға тұрақтады.
Банктің активтері 1,27 триллион теңгені, ал меншікті капиталы 235,8 миллиард теңгені құрады. 2025 жылдың қорытындысы бойынша банк 43,4 миллиард теңге таза пайда тапқан. Халықаралық рейтингтік агенттік Fitch 2025 жылғы 18 желтоқсанда банкке BB– рейтингін беріп, болжамын «Тұрақты» деп бағалады. Home Credit Bank басқарма төрайымы – Шолпан Нұрымбет.
Еуразиялық банк 13-орында.
Банктің активтері 3 триллион теңгені, ал меншікті капиталы 392,8 миллиард теңгені құрады. 2025 жылдың қорытындысы бойынша банк 16,4 миллиард теңге таза пайда тапқан. Халықаралық рейтингтік агенттік Moody’s 2025 жылғы 28 тамызда банкке Ba2 рейтингін беріп, болжамын «Теріс» деп бағалады. Еуразиялық банктің басқарма төрайымы – Ләззат Сатиева.
Freedom Bank Kazakhstan 2026 жылғы рейтингте 14-орынға жайғасты.
Банктің активтері 2,59 триллион теңгені, ал меншікті капиталы 246,6 миллиард теңгені құрады. 2025 жылдың қорытындысы бойынша банк 12,2 миллиард теңге таза пайда тапқан. Халықаралық рейтингтік агенттіктердің бағалауынша, S&P агенттігі 2026 жылғы 2 наурызда банкке B+ рейтингін беріп, болжамын «Оң» деп бағалады. Ал Moody’s агенттігі 2026 жылғы 17 наурызда банктің рейтингін Ba3 деңгейінде растап, болжамын «Тұрақты» деп белгіледі. Freedom Bank Kazakhstan басқарма төрайымы – Гүлфайруз Ахметова.
Ситибанк Қазақстан 15-орынға тұрақтады.
Банктің активтері 1,19 триллион теңгені, ал меншікті капиталы 91,4 миллиард теңгені құрады. 2025 жылдың қорытындысы бойынша банк 78,1 миллиард теңге таза пайда тапқан. Банктің басқарма төрайымы – Сәуле Жақаева.
«Қазақстан-Зираат Интернешнл Банк» ЕБ 2026 жылғы рейтингте 16-орынға ие болды.
Банктің активтері 307 миллиард теңгені, ал меншікті капиталы 117,4 миллиард теңгені құрады. 2025 жылдың қорытындысы бойынша банк 18,3 миллиард теңге таза пайда тапқан. Халықаралық рейтингтік агенттік Fitch 2026 жылғы 20 сәуірде банкке B+ рейтингін беріп, болжамын «Тұрақты» деп бағалады. Банктің басқарма төрағасы – Саваш Зорлу.
«ADCB» Ислам банкі рейтингте 17-орынға жайғасты.
Банктің активтері 256 миллиард теңгені, ал меншікті капиталы 35 миллиард теңгені құрады. 2025 жылдың қорытындысы бойынша банк 6,3 миллиард теңге таза пайда тапқан. Халықаралық рейтингтік агенттік Fitch 2025 жылғы 17 желтоқсанда банкке BBB+ рейтингін беріп, болжамын «Тұрақты» деп бағалады. «ADCB» Ислам банкінің басқарма төрағасы – Гордон Хаскинс.
«Банк ВТБ» АҚ-ның еншілес ұйымы (Қазақстан) 18-орынға жайғасты.
Банктің активтері 267 миллиард теңгені, ал меншікті капиталы 119 миллиард теңгені құрады. 2025 жылдың қорытындысы бойынша банк 45,2 миллиард теңге таза пайда тапқан. Банктің басқарма төрағасы – Дмитрий Забелло.
Shinhan Bank Kazakhstan 19-орынға тұрақтады.
Банктің активтері 731 миллиард теңгені, ал меншікті капиталы 102 миллиард теңгені құрады. 2025 жылдың қорытындысы бойынша банк 20,6 миллиард теңге таза пайда тапқан. Shinhan Bank Kazakhstan басқарма төрағасы – Чжо Ён Ын.
Нұрбанк 2026 жылғы рейтингте 20-орынға ие болды.
Банктің активтері 564 миллиард теңгені, ал меншікті капиталы 78 миллиард теңгені құрады. 2025 жылдың қорытындысы бойынша банк 13,2 миллиард теңге таза пайда тапқан. Халықаралық рейтингтік агенттік S&P 2025 жылғы 31 шілдеде банкке B– рейтингін беріп, болжамын «Тұрақты» деп бағалады. Банктің басқарма төрағасының міндетін атқарушы – Алексей Мажуга.
KMF Банк тізімде 21-орында тұр.
Банктің активтері 405 миллиард теңгені, ал меншікті капиталы 70 миллиард теңгені құрады. 2025 жылдың қорытындысы бойынша банк 5,7 миллиард теңге таза пайда тапқан. Халықаралық рейтингтік агенттік Fitch 2025 жылғы 8 шілдеде банкке B+ рейтингін беріп, болжамын «Тұрақты» деп бағалады. KMF Банктің басқарма төрағасы – Шалқар Жүсіпов.
«Заман-Банк» Ислам банкі 22-орынға ие болды.
Банктің активтері 45 миллиард теңгені, ал меншікті капиталы 17 миллиард теңгені құрады. 2025 жылдың қорытындысы бойынша банк 4,4 миллиард теңге таза пайда тапқан. «Заман-Банк» Ислам банкінің басқарма төрайымы – Гүлфайруз Асаева.
BNK коммерциялық банкі рейтингте 23-орынға жайғасты.
Банктің активтері 23 миллиард теңгені, ал меншікті капиталы 13 миллиард теңгені құрады. 2025 жылдың қорытындысы бойынша банк 2,5 миллиард теңге көлемінде шығынға ұшырады (таза пайда – минус 2,5 млрд теңге). BNK коммерциялық банкінің басқарма төрағасы – Ким Сонгхён.
