«Туған жер» қоғамдық қозғалысы» Қауымдастығы облыстық ішкі саясат басқармасымен бірлесіп Қараөзек ауылында «Өз құқығыңды білесің бе?» тақырыбында кездесу ұйымдастырды. Аталмыш шара барысында ауыл тұрындарына Міндетті әлеуметтік медициналық сақтандыру бойынша, мемлекеттік бағдарламалармен жеңілдетілген тәртіппен тұрғын үй алу бойынша заңнамаларға енгізілген өзгерістер мен жаңашылдықтар, мемлекеттік қолдаулар түсіндірілді.
Кездесуде Әлеуметтік медициналық сақтандыру қоры Қызылорда филиалының бас сарапшысы Ғанибек Есентаев, «Тұрғын үй-құрылыс жинақ банкінің» Қызылорда бөлімшесінің консультанты Гүлнар Молдабекова, «Туған жер» қоғамдық қозғалысы» Қауымдастығының төрайымы Құрманкүл Ерімбетова баяндамалар жасады. Ауыл тұрғындары да өз тарапынан сауалдар қойып, заң аясында жауаптар алды.
Нұрмұхаммед Әбілқасым,
Қорқыт ата атындағы ҚМУ
2 курс студенті
>>> Біздің Facebook, Instagram парақшаларымыз бен Telegram каналымызға жазылыңыз! <<<
