Қармақшы ауданы әкімі М. Қалдарбековтың өкімімен Тұрсынбаева Нұржамал Бектайқызы «Қазақстан Республикасындағы жергілікті мемлекеттік басқару және өзін-өзі басқару туралы», «Қазақстан Республикасының мемлекеттік қызметі туралы» Қазақстан Республикасының Заңдарына сәйкес 2020 жылдың маусым айынан бастап Ақжар ауылдық округі әкімінің лауазымымен көзделген міндеттерді уақытша атқаруға міндетті арнайы тексеруден өткені туралы нәтижелерді алған күніне дейін еңбек шарты негізінде қызметіне қабылданды.
Нұржамал Бектайқызы 1967 жылы Қармақшы ауданында дүниеге келген.
Еңбек жолын 1984 жылы Қармақшы аудандық «Қармақшы таңы» газетінің тілшісі болып бастаған.
Әр жылдары облыстық «Ленин жолы» газетінің тілшісі, Қармақшы ауданы Ақжар ауылы № 28 орта мектеп мұғалімі, 2005 -2019 жылдары облыстық денсаулық сақтау басқармасының баспасөз хатшысы болып қызмет атқарды.
2019 жылдың тамыз айынан бастап облыстық ішкі саясат басқармасы жанындағы «Өңірлік коммуникациялар қызметі» КММ-нің маманы болып қызмет атқарып келді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
