Фото: Ted Eytan
Алматы-Тель-Авив рейсі әуеге Астана уақыты бойынша таңғы сағат 8:00 -де көтерілді, деп хабарлайды Turkystan.kz.
Арнайы ұшақтағы экипаж мүшелерінің басты мақсаты Қазақстанның 118 азаматын елге аман-есен жеткізу.
Бұған дейін Қазақстанның Израильдегі елшілігінде консулдық есепке елшілік қызметкерлері мен олардың отбасы мүшелерін қоса алғанда 77 азамат тіркелгені, Израильдің жоғары оқу орындарында Қазақстанның 5 студенті білім алып, 30-ға жуық қазақстандықтың жергілікті түрлі медициналық мекемелерде тағлымдамадан өтіп жатқаны жарияланған болатын.
«Тель-Авивтегі дипломаттарымыз Израильдегі Қазақстан азаматтарымен тұрақты байланыста және олармен жедел іс-қимыл жасау мақсатында арнайы мессенджерде чат ашты. Қазақстанның Тель-Авивтегі Елшілігінің болжамынша, Израильде консульдық есепке тұрмаған 400 жүзден астам Қазақстан азаматы болуы мүмкін», – деген еді Сыртқы істер министрлігінің ресми өкілі Айбек Смадияров.
>>> Біздің Facebook, Instagram парақшаларымыз бен Telegram каналымызға жазылыңыз! <<<
