Қазақстанда жасанды интеллект кластерін құруға млрд доллардан астам инвестиция тартылады

384

0


Қазақстанда жасанды интеллектінің ұлттық кластері құрылады. Бес жыл ішінде осы бағытқа миллиард доллардан астам инвестиция тарту жоспарланып отыр. Бұл туралы ҚР Президенті Қасым-Жомарт Тоқаев «Digital Almaty 2021- Жаһандық экономиканың цифрлық болашағы» атты халықаралық форумда айтты, деп хабарлайды ҚазАқпарат тілшісі.

Президент негізгі екпін ақылды экожүйені құруға бағытталатынын атап өтті. Оның мүмкіндіктеріне көптеген салалық деректі талдау кіреді. Бұл тәуекелді болжау мен алдын алудың тиімді модельдерін құруға мүмкіндік береді және реформалардың максималды әсерін қамтамасыз етеді. «Осы мақсатта Дүниежүзілік банкпен бірлесіп Назарбаев Университетінің базасында жасанды интеллектінің ұлттық кластері құрылады. Ауқымды ақпаратты тиімді өңдеу үшін деректер орталықтары жасақталады. Алдағы бес жылда біз осы бағытқа шамамен 500 миллиард теңге немесе миллиард доллардан астам инвестиция тартуды жоспарлап отырмыз. Әрине, біз Одақтағы және аймақтағы серіктестерімізді жан-жақты ынтымақтастыққа шақырамыз», – деді Мемлекет басшысы.



Пікірлер жоқ. Бірінші болыңыз!

Пікір жазыңыз