Қызылорда қалалық «Сұлтан» мешітінің әйелдер-қыздар бөлімі шәкірттері Құран Кәрімді жатқа оқудан бақ сынасты.Қасиетті айда Қадрдан Нас сүресіне дейінгі аралықтағы сүрелерлерді жатқа оқудан жарысқан мешіт шәкірттері жас ерекшеліктеріне қарай екі топқа (үлкендер және жастар тобы) бөлінді.
Алдымен жарысқа түскен «Үлкендер» тобынан І – Н.Саткинбаева, ІІ – К.Ибраимова, ІІІ – К.Абуова жүлделі орындарға ие болса, жастар тобынан І-орын – Б.Жақсылыққызы, ІІ-орын – А.Қуандық, ІІІ-орын – А.Байменовалардың тәжуиді мен махражы жоғары бағаланып, өзге қатысушылардан оза шықты.
Сайыста төрелік еткен аталмыш мешіт имамдары мен әйелдер бөлімінің ұстаздары қатысушыларға алғыс білдіріп, жеңімпаздарды бағалы сыйлықтармен марапаттады.
Қызылорда облыстық «Ақмешіт-сырдария» мешітінің баспасөз қызметі
