Павлодар қаласында волейболдан 2005-2006 жылдары туылған жасөспірімдер арасында Қазақстан Республикасының қысқы чемпионаты өтті. Бұл жарыста қызылордалық волейболшылар 16 команданың арасынан 1-орынды иеленіп, алтын медальді жеңіп алды.
Облыс құрамасы жартылай сында Тараз командасын 3:1 есебімен ұтса, ақтық сайыста Жетісуді 3:0 есебімен жеңіп, үшінші мәрте жеңіске қол жеткізді.
Айта кетейік, осы жас ерекшелігі бойынша шеберлік байқасып жүрген жерлестеріміз былтырғы жылы Қазақстан Республикасының жазғы және күзгі чемпионаттарында қатысып, екі мәрте чемпион атанған болатын. Бұл – олардың үшінші жеңісі.
Сондай-ақ, команда сапында шиелілік Бекнұр Сайрамбек «Үздік ойыншы» номинациясын иеленді.
Спортшылардың алдағы мақсаты – Талдықорған қаласында өтетін Қазақстан Республикасының көктемгі чемпионатында сәтті өнер көрсету.
Команданы жарысқа Өтепберген Әбдіраманов дайындады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
