Ауғанстанның «Ariana News» телеарнасы өткен аптада ел қауіпсіздік органдары, полиция мен Үкімет әскерлері қатарынан күн сайын 30-35 адам оққа ұшатынын хабарлады. Ал ай сайын олардың саны мыңдаған адамға жетуде. Ресми деректер бойынша, ауған әскерінің құрамы 195 мың, ұлттық төтенше әскер құрамы 157 мың адамды құрайды.Барлығы 350 мың адам. Оған барлау қызметін, шекарашыларды, аздаған гвардияшыларды қоссаңыз, мемлекеттің қарулы күштерінің саны оншалықты көп еместігін аңғаруға болады.
Телеарна тілшісінің хабарлауынша, Ауғанстанды сыртқы жаулардан қорғау үшін бұл күш мүлдем аздық етеді. Егер сырттан көмек болмаса, бүгінгі ауған билігі өз орындарын әрі кеткенде бір жыл ғана сақтап қала алады.
Қазір Ауғанстанда тәліптер мен Ислам мемлекеті топтарының өзара қақтығыстары жалғасып келеді. Осы соғыс салдарынан үкімет әскери құрылымдары орта есеппен айына 1000 адамынан айырылып отыр.
>>> Біздің Facebook, Instagram парақшаларымыз бен Telegram каналымызға жазылыңыз! <<<
