Маңғыстауда үйрек қаққан балықшылар жауапқа тартылды

253

0

ҰҚК ШҚ Маңғыстау облысы бойынша департаменті өкілдері Каспий теңізінде жабайы үйректерді қайықпен қаққан екі балықшыны әкімшілік жауапқа тартты, – деп хабарлайды Tengrinews.kz тілшісі ҚР ҰҚК баспасөз қызметіне сілтеме жасап.

«Тәртіп бұзушыларға ҚР Әкімшілік құқық бұзушылық туралы кодекстің 512-бабы 1-бөлігі бойынша Қазақстан Республикасының аумақтық сулары (теңізі) және ішкі сулары режимдерін бұзғаны үшін айыппұл салынды», – делінген хабарламада.

Шекарашылар тұрғындарды табиғат пен қоршаған ортаны сақтауға және табиғат байлықтарына ұқыпты қарауға шақырды.

Еске салайық, бұған дейін қазақстандықтар әлеуметтік желілерінде моторлы қайықпен жабайы үйректерді қаққан балықшылардың видеосына наразы болған еді. Кейін олардың кім екені анықталды

Экология министрлігі де оқиғаға байланысты пікір білдірген болатын

Пікірлер жоқ. Бірінші болыңыз!

Пікір жазыңыз