Мемлекеттік кірістер комитеті БКМ фискалдық чегін бермеу фактілерін анықтау бойынша «Қоғамдық бақылау – түбіртекті талап ет» акциясы 12 мамырдан бастап қайта басталғаны туралы хабарлады.
«Қоғамдық бақылау – түбіртекті талап ет» акциясына кез-келген үміткер қатыса алады. Барлық жолданған өтініштерді мемлекеттік кірістер органында қаралады. Фискалдық чегін бермеу бұзушылық фактілері туралы App Store және Play market-тен «Wipon» мобилді қосымшаны тегін жүктеп алып хабарлауға және фискалдық чегін бермеу бұзушылық фактісі расталған жағдайда телефонға баланс түрінде (1000 теңге) сыйақы алуға болады, – делінген таратылған ақпаратта.
2019 жылы азаматтардың хабарлауы бойынша акция жүргізу барысында 940 факт расталды, оларға 940 мың теңге сомасында сыйақы төленді.
Мемлекеттік кірістер комитеті Қазақстан Республикасының барлық азаматтарын өздерінің азаматтық ұстанымын, заң бұзушылыққа төзбеушілігін білдіруге және «Қоғамдық бақылау – түбіртекті талап ет» акциясына белсенді түрде қатысуға шақырады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
