Үкімет борыштық жүктемені азайту үшін қандай шаралар қабылдап жатыр

295

0

Фото: Рустем Айтқожин/Kazinform

Премьер-Министр Әлихан Смайылов 2030 жылға дейін мемлекеттік қаржыны басқарудың арнайы тұжырымдамасы қабылданғанын айтты, деп хабарлайды Kazinform.

«Бұған дейін біз оны Үкіметте, экономикалық саясат кеңесінде алдын ала талқыладық. Нәтижесінде кешенді құжат қабылданды. Бұл құжатта қаржыны және қарызды басқару бойынша қатаң келісімдер орнатылған. Үкімет бұл келісімдерді қолдайды және ол бойынша кешенді шаралар қабылдайды. Біріншіден, бюджет тапшылығын азайту. Жалпы ішкім өнім (ЖІӨ) 3% болған, биыл 2,7% төмендеді. Екіншіден, бюджет қозғалыстарын ұлғайту. Ол үшін біз цифрландыру және кедендік әкімшілендіру және жұмыстың осы саласында тұтастай жетілдіру жөніндегі жұмысты жалғастырамыз. Үшіншіден, Қаржы министрлігінің бағалы қағаздарын халықаралық индекстерге енгізіледі», – деді Әлихан Смайылов Мәжілістің жалпы отырысында Мәжіліс депутаты Татьяна Савельеваның сауалына жауап бере отырып.

Премьер-Министрдің айтуынша, аталған шаралар қарыз құнын төмендету және қызмет көрсету шығындарын азайту үшін қор нарығына халықаралық инвесторларды тартуға мүмкіндік береді.

«Сонымен қатар біз ішкі нарықта артықшылықты қамтамасыз ету саясатын қабылдадық. Бұл валюталық тәуелділікті және сол арқылы қызмет көрсетудегі сәйкессіздіктерді жоюға мүмкіндік береді. Осы шаралардың барлығын Үкіметте үнемі талқылап отырамыз. Біз барлық келісімнің сақталуын қамтамасыз етеміз. Жаңа бюджет кодексі шеңберінде біз Парламентке қарызды басқару бойынша талдамалық ақпарат беруді жоспарлап отырмыз. Қарызды талқылау бойынша барлық келісімшарт орындалады және біз оны орындау үшін бәрін жасаймыз», – деп толықтырды Үкімет басшысы.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<