Елбасының «Рухани жаңғыру» мақаласында көрсетілген «Атамекен» кіші бағдарламасы аясында үстіміздегі жылдың 1 шілдесі мен 15 тамыз аралығында жыл сайын өтетін «Жомарт жүрек» сыйлығының аудандық іріктеу кезеңі өткен болатын.«Рухани жаңғыру» бағдарламасы аясында білім, ғылым, мәдениет, қоғам, медицина, спорт саласына қолдау көрсеткен азаматтар туған жері мен елін, ауыл-аймағын өркендетуге үлес қосып, қамқорлық танытып жүрген, мұқтаж жандарға қайрымдылық жасаған жомарт жүректі жандарды, меценаттарды, бизнес-құрылым өкілдерін, ұйымдарды, еріктілерді құрметтеу мақсатында «Жомарт жүрек» салтанатты құттықтау рәсімі өтті.
Салтанатты рәсімде аудан әкімі Қайратбек Әубәкірұлы аудан аумағында қоғамдық пайдалы, әлеуметтік, қайырымдылық қызметті жүзеге асырып жүрген бірқатар азаматтарға «Жыл меценаты», «Туған өлке», «Жыл тұлғасы», «Жылдың үздік ұйымы», «Ерен еріктілік» номинацияларын табыстады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
