Сәрсенбіде ауа райы қандай болады?

232

0

Сәрсенбіде еліміздің кей жерлерінде тұман түседі, жел күшейеді, жаяу бұрқасын соғады, оңтүстік пен оңтүстік батыста көктайғақ болады, деп хабарлайды ҚазАқпарат Қазгидрометке сілтеме жасап.

13 қаңтарда Қазақстан аумағының басым бөлігіне Атлант циклоны әсерін әлі де тигізеді, соған байланысты қар, оңтүстікте кей жерлерде қатты қар аралас жаңбыр жауады. Еліміздің кей жерлерінде тұман түседі, жел күшейеді, жаяу бұрқасын соғады, оңтүстік пен оңтүстік батыста көктайғақ болады. Жамбыл облысының кей жерлерінде тұман, көктайғақ, жаяу бұрқасын, жел 15-20 м/с күшейеді, түнде екпіні 23-28 м/с күтіледі. Қарағанды, түнде Солтүстік Қазақстан облыстарының кей жерлерінде тұман түседі, боран соғады, жел 15-20 м/с күшейіп, Қарағанды ​​облысында екпіні 23-28 м/с жетеді. Шығыс Қазақстан, Түркістан облыстарының кей жерлерінде тұман түседі, жаяу бұрқасын соғады, жел күшейіп 15-20 м/с жетеді. Ақмола облысының кей жерлерінде тұман түсіп, жаяу бұрқасын соғады, түнде және таңертең жел 15-20 м/с күшейеді. Павлодар облысының кей жерлерінде жаяу бұрқасын соғады, жел 15-20 м/с күшейеді. Атырау облысының кей жерлерінде тұман түседі, көктайғақ болады, күндіз жел 15-20 м/с күшейеді. Күндіз Маңғыстау облысының кей жерлерінде көктайғақ болады, жел 15-20 м/с күшейеді. Қызылорда, Батыс Қазақстан, Қостанай, түнде және таңертең Ақтөбе облыстарының кей жерлерінде тұман түседі. Алматы облысының кей жерлерінде жел 15-20 м/с күшейеді.

Пікірлер жоқ. Бірінші болыңыз!

Пікір жазыңыз