Twitter логотипін өзгертті
Кеше Twitter веб-сайтында және мобильді қосымшаларында ресми түрде көк құс логотипін қара фондағы X белгісіне өзгертті. Жаңа логотип әлеуметтік желіні жүктеп алу бетінде және басты бетте көрсетіледі.
Айта кетсек, желінің аты өзгерген жоқ. Платформа Twitter деп аталады. Компания бас директоры Линда Яккарино X пайдаланушыларды барлығымен қамтамасыз ете алатын платформа болатынын айтты.
Марсқа 4 жылдық саяхат
NASA шамамен 4 жылға созылатын Марсқа сапар үшін жаңа көлік жүйесін таныстырды. Жүйе Mars Transit Habitat (MTH) модулін қамтиды. MTH Марс миссияларына дайындалуға көмектесетін айдағы Artemis базалық лагерімен бірге жұмыс істейді.
Модельдеу кезеңінде экипаж тікелей немесе NASA-ның Gateway деп аталатын ай ғарыш станциясы арқылы байланысады. MTH төрт экипаж мүшесін Марсқа жеткізіп, 1200 күнге дейін жұмыс істейді.
Мәңгі өлмейтін тіршілік иесі
Ғалымдар мәңгі өмір сүруге қабілетті тіршілік иесін анықтады. Бұл Turritopsis dohrnii медузасы. Зерттеулер көрсеткендей, медуза зақымданса немесе қартайса полиптік нәрестеге айналады. Содан кейін жас полип қайта түлеп, ересек түріне оралуы мүмкін.
Turritopsis dohrnii 1883 жылдан бері белгілі. Бірақ тек жүз жылдан кейін ғалымдар оның мәңгілік өмір сүру мүмкіндіктерін ашты.
Пингвиндер жаппай қырылуда
Кейінгі 10 күнде Уругвайдың шығыс жағалауында 2 мыңға жуық пингвин өлді. Елдің қоршаған ортаны қорғау министрлігі жануарлардың өлекселері жағаға шығып қалғанын хабарлады. Атлант мұхитының суында өлген пингвиндер аштықтан қырылуы мүмкін.
Айта кетсек, мұндай оқиға былтыр Бразилияда болған. Пингвиндердің жаппай қырылуының себебі анықталған жоқ.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
