Жастарды салауатты өмір салтына баулу және кәмелетке толмағандар мен жастардың бос уақытын тиімді ұйымдастыру мақсатында «Жастар есірткіге қарсы!» ұранымен футзал жарысын ұйымдастырды.
Қызылорда облысы ПД Есірткі қылмысына қарсы іс-қимыл басқармасы, дене шынықтыру және спорт басқармасымен бірлесіп өткізген облыстық сайысқа жастар белсенді қатысты.
Барлық кезеңдері қызықты өтті. Қатысушылар жігерлік көрсетті. Барлығы қарсыластарына өз дағдыларын көрсетуге тырысты.
![](https://syrboyi.kz/wp-content/uploads/2022/04/image-11-04-22-12-07-1.jpeg)
Финалдық жарысқа алты команда қатысты. Нәтижесінде Жаңақорған ауданынан келген команда – 1 орын, Қызылорда қаласының тобы 2 орын, Сырдария ауданының намысын қоғаған команда 3 орын иеленді. Қызылорда облысы ПД Есірткі қылмысына қарсы іс-қимыл басқармасы жеңімпаз командалардың барлық мүшелеріне спорттық формасы мен дипломдар табыс етті.
![](https://syrboyi.kz/wp-content/uploads/2022/04/image-11-04-22-12-07.jpeg)
Сонымен қатар, Ішкі істер органдарының ардагерлері «Үздік қақпашы», «Үздік шабуылшы», «Үздік қорғаушы», «Үздік жартылай қорғаушы», «Үздік ойыншы», «Үздік жаттықтырушы», «Белсенді қатысқаны үшін» номинациялары бойынша сыйлықтар табыстады.
Гүлбану МАҚАЖАН, «Сыр бойы»
>>> Біздің Facebook, Instagram парақшаларымыз бен Telegram каналымызға жазылыңыз! <<<