Басты құндылығымыз – бейбітшілік

406

0

Бұл жерде ең алдымен сессияның бірліктің, бейбітшілік пен келісімнің 30 жылын арқау еткеніне назар аударғым келеді. Ойлап қарасақ, 30 жыл тарих үшін азғантай ғана уақыт. Дегенмен, сол уақыт ішінде қыруар жұмыс атқарылды. Тәуелсіздігіміздің қиын қалыптасу кезеңінен өттік. Ассамблея еліміздегі барлық ұлт пен ұлыстың мүдделерін бір арнаға тоғыстырушы толыққанды саяси институтқа айналды. Тұрақтылық пен өркендеу этносаралық қатынастар мәселелерімен тығыз байланысты. Бұл ретте Елбасы атап өткендей, басты құндылығымыз бірлік, тұрақтылық пен бейбітшілік болып қала бермек.

Карантин жағдайына байланысты онлайн өткен сессияда Тұңғыш Президент – Елбасы Нұрсұлтан Назарбаев Ассамблеяны басқару құқығын Мемлекет басшысы Қасым-Жомарт Тоқаевқа беретінін мәлімдеді. Елба­сының Ассамблеясының барлық мүшелеріне қолдау білдіргендері үшін алғыс айтқаны ерекше әсер етіп, көңіліміз толқыды. Бұл тұрғыдан Ассамблея Мемлекет бас­шысының саясатын үнемі қолдайды. Барлығымыздың мақсатымыз ортақ, тілегіміз бір.

Сондай-ақ, көптеген азаматтар, оның ішінде жастар мен еріктілер сөз сөйлеп, өз ойларын білдірді. Жастарымыздың ел өміріне бейжай қарамайтыны қуантты. Қоғамдық ұйымдардың, мәдени бірлестіктердің де ауқымды жұмыстар атқарып жат­қанына қуаныштымын.

Ассамблея дүниеге келген жылдан бері атқарған қызметі мен жүріп өткен сара жолы қазақстандық этносаралық және конфессияаралық келісім үлгі­сінің әлемдік қауымдастық алдында беделді ұйымға, ел қоғамының құрам­дас бөлігіне айналғанын көрсетті.

Елена КИМ,

«Қызылорда облыстық корейлер ассоциациясы»

ҚБ төрайымы

Пікірлер жоқ. Бірінші болыңыз!

Пікір жазыңыз