«Қол алысуға болмайды»: Токио Олимпиадасының алғашқы ережелері жарияланды

981

0

Халықаралық Олимпиада комитеті (ХОК), Халықаралық паралимпиада комитеті және «Токио-2020» ұйымдастыру комитеті Жапониядағы жазғы ойындардың алғашқы ережелерін жариялады. Бұл туралы ХОК сайтында хабарланған деп жазады Egemen.kz Olympic.kz сайтына сілтеме жасап.

Ойынға қатысатын спортшылар өздерінің жай-күйлері туралы есеп беретін арнайы қосымшаны пайдалануға міндеттеледі. Сондай-ақ, олар айналадағы адамдармен физикалық байланысты болудан барынша қашуы тиіс, оның ішінде қол алысу да бар. 

Қатысушылар өзара екі метрлік ара қашықтықты сақтауы керек. Атлеттердің жарыс кезінде көрермендер қатарына отыруына тыйым салынады, сонымен қатар, жанкүйерлердің айғайлап, ысқыратын заттарды пайдалануына рұқсат жоқ. Спортшыларды тек қол шапалақтау арқылы ғана қолдауға болады. 

Токиоға жол тартардан 72 сағат бүрын спортшылар коронвирусқа тест тапсырып, теріс нәтиже көрсетілгенін растайды. Жарысқа ұшып келерден екі апта бұрын спортшылар ішкі қарым-қатынасты азайтуы тиіс. Спортшыларға коронавирусқа қарсы вакцина күштеп салынбайды, бірақ аталған ереже барлығына ортақ екенін ескеру қажет. 

Аталған талаптар бұзылған жағдайда, спортшы жарыстан шеттетілуі мүмкін. 

Еске сала кетейік, 2020 жылғы Токио Олимпиадасы коронавирус инфекциясынын таралуына байланысты 2021 жылдың 23 шілдесі мен 8 тамызы аралығына ауыстырылды. 

 


>>> Біздің Facebook, Instagram парақшаларымыз бен Telegram каналымызға жазылыңыз! <<<