Сенаттың жалпы отырысында республикалық бюджеттің атқарылуын бақылау жөніндегі есеп комитетінің басшысы Наталья Годунова 2021 жылдың басынан бастап бюджет қаражатын тиімсіз пайдаланғаны үшін 11 шенеуніктің жазаланғанын айтты, деп хабарлайды Egemen.kz.
Годунова атап өткендей, барлық мемлекеттік аудит органдары анықтаған тиімсіз жұмсалған қаражат көлемі шамамен 570 млрд теңгені құрады.
«Әрбір теңге маңызды кезде бұл бассыздық болып табылады. Сол себепті, біз өткен жылы бастаған мемлекеттік ресурстарды тиімсіз пайдаланғаны үшін лауазымды тұлғалардың жауапкершілігін күшейту жөніндегі жұмысты жалғастыру өте маңызды деп санаймыз. ӘҚБтК-ге тек екі анықтама енгізілді. Жаңа норма жұмысының нәтижелері бойынша тағы үш анықтаманы қарастыру туралы шешім қабылданды», деп атап өтті Годунова.
Оның айтуынша, 2021 жылдың басынан бері 11 шенеунік жазаланды.
«Бұл норма оңды-солды пайдаланылады деп қорыққан едік, жоқ, олай емес, қорқатын түгі жоқ. Бірақ бұл – жақсы профилактикалық шара, тежеу сипатына ие. Өкінішке қарай, ол заңбұзушылықтың тар шеңберінде қолданылуда», деп қорытындылады есеп комитетінің басшысы.
>>> Біздің Facebook, Instagram парақшаларымыз бен Telegram каналымызға жазылыңыз! <<<
