Қазақстанда 12 маусымнан бастап ескі банкноттарды айырбастау ережелері өзгереді

1099

0

Бұл ақпарат туралы Ұлттық банк баспасөз қызметі хабарлады.

«Халықтан түсетін өтініштер негізінде, сондай-ақ халықаралық тәжірибені ескере отырып, Ұлттық банк 2006 жылдан бастап және одан кейін шығарылған банкноттарды айырбастаудың мерзімсіз кезеңін енгізу туралы шешім қабылдады», – деді Ұлттық банктің қолма-қол ақша айналысы департаментінің директоры Жомарт Қажымұратовтың баспасөз қызметі.

Бұл ретте жаңа банкнот шығарылған жағдайда 12 ай ішінде қатар айналым кезеңі қолданылатыны айтылды.

«Бұл ескі және жаңа үлгідегі екі банкнот заңды төлем құралы болып табылады және оларды жыл бойы төлемдердің барлық түрлері бойынша қабылдауға міндетті», – деді Жомарт Қажымұратов.

Ұлттық банк мәліметі бойынша, банкнот айналымнан шыққаннан кейін оны 3 жыл ішінде Ұлттық банк, екінші деңгейдегі банк бөлімшелеріне (ЕДБ) және «Қазпочта» АҚ кеңселерінде айырбастауға болады.

«Егер халық айналымнан шыққан банкнотты үш жыл ішінде айырбастап үлгермесе, Ұлттық банк бөлімшелері оларды мерзімі бойынша шектеусіз қабылдайды. Жаңа ереже 2021 жылдың 12 маусымынан бастап күшіне енеді», – делінген хабарламада.

tengrinews.kz

 


>>> Біздің Facebook, Instagram парақшаларымыз бен Telegram каналымызға жазылыңыз! <<<