Instagram желісінде 2020 жылғы ең танымал жазба аталды, – деп хабарлайды Tengrinews.kz тілшісі Daily Mail. басылымына сілтеме жасап.
Танымал футболшы Криштиану Роналдудың посты Instagram желісінде ең танымал деп аталды. «Ювентус» ойыншысы бұған дейін де 200 миллион оқырманы бар алғашқы адам болып Instagram тарихына енген. Ол әзірше осы мөлшерден асқан жалғыз адам болып отыр. Тек Instagram желісінің өз парақшасына одан көп адам жазылған.
Криштиану Роналду Диего Марадона қайтыс болғаннан кейін 25 қарашада атақты футболшыға деген құрметін көрсетіп, онымен түскен фотосын жариялады. Бұл пост 19,6 миллион лайк жинады.
Танымалдығы жағынан екінші орында америкалық актер Чедвик Боузманның қазасы туралы хабарлама болды. «Қара қабылан» фильмі актерінің ақ-қара түсті фотосы 19,1 миллион адамға ұнаған. Пост оның өз парақшасында жарияланған.
Лионель Мессидің Диего Марадонамен түскен фотосы 16,3 миллион лайк жинап, үшінші орын алды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
