Құрметті мемлекеттік қызметшілер!
Қадірлі әріптестер!
Сіздерді кәсіби мерекелеріңіз – Мемлекеттік қызметші күнімен құттықтаймын!
Президент Қасым-Жомарт Кемелұлы: «Әділетті Қазақстанды құру үшін әрбір қызметшінің отаншыл, адал болуы және өз ісіне жауапкершілікпен қарауы өте маңызды» деп атап өтті.
Мемлекеттік қызметкер – мемлекеттің айнасы. Ұлт мәртебесін көтеріп, халық сенімін ақтау – мәртебелі міндет.
Егемен еліміздің еңсесін тіктеп, қарқынды дамуына мемлекеттік қызметкерлер елеулі үлес қосып, уақыт талабына сай жарқын бастамаларды іске асыруда.
Қазақстанның жарқын болашағы жолында уақытпен санаспай еңбек етіп, антқа адалдықтың, халыққа жанашырлықтың озық үлгісін көрсетіп келесіздер.
Алдағы уақытта да еліміздің өсіп-өркендеуіне қажырлы еңбек етіп, әрдайым абырой биігінен көріне бергейсіздер.
Кәсіби мерекеде Сіздерге мықты денсаулық, еңбектеріңізге толайым табыс, отбасыларыңызға амандық пен бақ-береке тілеймін.
Елдігіміз еңселі, Тәуелсіздігіміз тұғырлы болсын!
Құрметті полиция қызметкерлері мен ардагерлері!
Сіздерді кәсіби төл мерекелеріңіз – Полиция күнімен құттықтаймын!
Мемлекет басшысы Қасым-Жомарт Кемелұлы: «Әділдік идеясы үстемдік құрған қоғамда полиция қызметкерлеріне жоғары талап қойылып, зор жауапкершілік жүктеледі. Сіздер антқа адалдықтың және жұртқа жанашырлықтың озық үлгісін көрсетулеріңіз керек. Әрбір тәртіп сақшысының қызметін мінсіз атқарып, білікті маман, отаншыл азамат болуы өте маңызды», – деп атап өткен болатын.
Президентіміздің «Заң мен Тәртіп» қағидасын іске асыруда полиция қызметі – мемлекеттік биліктің ең маңызды құрылымдарының бірі. Қоғамда құқықтық тәртіпті сақтау мен азаматтардың қауіпсіздігін қамтамасыз етуде айрықша маңызға ие.
Елдегі тыныштық пен тұрақтылықты сақтауда полиция қызметі Тәуелсіздігіміздің қастерлі міндеттеріне көлеңке түсірмей, берекелі бірлігіміз бен қауіпсіздігіміздің сақталуына өз үлестерін қосуда.
Бүгінде халықтың құқық қорғау органдарына сенімі артуда. Бұл – антына адал азаматтардың жүйелі жұмысы мен жоғары жауапкершілігінің жемісі.
Алдағы уақытта да еліміздің өсіп-өркендеуіне аянбай қызмет етіп, әрдайым абырой биігінен көріне бергейсіздер.
Кәсіби мерекеде Сіздерге мықты денсаулық, отбасыларыңызға амандық пен бақ-береке тілеймін!
Елдігіміз еңселі, Тәуелсіздігіміз тұғырлы болсын!
