Қызылордалық полицейлер фотостудияға 3 500 000 теңге көлемінде шығын келтірген ұрыны ұстады. Бұл жөнінде Қызылорда облыстық полиция департаментінің баспасөз қызметі мәлім етті.
23 қаңтар күні Қызылорда қалалық Полиция басқармасына 31 жастағы қала тұрғыны арызданды. Оның айтуынша, кешкілік уақытта қалада орналасқан фото-видео студиялардың бірінен қымбат бағалы кәсіби құралдар ұрланған. Келтірілген шығын 3 470 000 теңге.
Полицейлердің кәсіби шеберлігі мен жедел әрекеттерінің нәтижесінде көп ұзамай осы дерекке қатысты күдікті 23 жастағы азамат ұсталды.
Қазіргі таңда күдікті Қызылорда қалалық Полиция басқармасының уақытша ұстау изоляторына қамауға алынды. Оған қатысты Қазақстан Республикасы Қылмыстық кодексінің 188-бабының 3-бөлігі бойынша (Ұрлық) сотқа дейінгі тергеп-тексеру жұмыстары басталды
>>> Біздің Facebook, Instagram парақшаларымыз бен Telegram каналымызға жазылыңыз! <<<
