4 млн-нан астам теңгенің зергерлік бұйымдарын ұрлаған тұрғын сотталды

381

0

Қызылордада тұрғын үйден зергерлік бұйымдарды ұрлап кеткен адам бас бостандығынан айырылды, деп хабарлайды ҚазАқпарат тілшісі.

Бұл оқиға биылғы жылдың мамыр айында болған. Қызылорда қаласындағы тұрғын үйдің біріне белгісіз азамат пластик терезені бұзып кірген. Содан кейін қымбат тұратын зергерлік бұйымдарды ұрлап кеткен. Жәбірленушіге келтірілген шығын 4 млн 450 мың теңгені құрады.

«Жедел-іздестіру шараларының нәтижесінде 34 жастағы Байқоныр қаласының тұрғыны қолға түсті. Ол өз кінәсін толығымен мойындады. Аталған дерек бойынша ҚР Қылмыстық Кодексінің 188-бабының 3-бөлігінің 1-тармағымен сотқа дейінгі тергеп-тексеру жүргізіліп, қылмыстық іс айыптау актісімен сотқа жолданды. Онда iрi мөлшерде жасалған ұрлық жағдайы көрсетілен», – деп мәлім етті Қызылорда облыстық полиция департаментінің баспасөз қызметі.

Қызылорда қаласының №2 соты айыпталушыға 4 жыл 6 ай мерзімге бас бостандығынан айыру жазасын тағайындады. Сот оған жәбірленушіге келтірілген шығынды заңмен белгіленген тәртіппен өтеуді міндеттеді.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<