Үшінші мәрте турнир жеңімпазы

213

0

26-27 қаңтар күндері «Евразия» спорт кешенінде аты аңызға айналған футболшы, шеберлер командасының ойыншысы Әбіл Қалымбетовты еске алуға арналған футзалдан ардагерлер арасында облыстық ашық турнир өткізілді.

Биыл алтыншы мәрте ұйымдастырылған жарысқаАтырау, Шымкент, Қызылорда, Байқоңыр қалалары мен аудандардан 14 команда қатысып, үздіктері анықталды.

Екі күнге созылған жарыстың қорытындысы бойынша «Ардагер» командасы «Қайсар» командасын 10:6 есебімен жеңіп,үшінші мәрте жеңімпаз атанды. Жаңақорғандық «Сығанақ» командасы үшінші орынды иеленсе, «Петро Қазақстан» командасы төртінші орынды  қанағат тұтты.

 «Үздік қақпашы» номинациясы бойынша Жаңабек Әлназаров  («Қайсар» командасы), «Үздік қорғаушы» – Ерлан Аптаев («Сығанақ» командасы), «Үздік шабуылшы» – Әкімжан Әбішов  («Петро Қазақстан» командасы), «Мерген ойыншы» – Бахадир Вакиадия («Сығанақ» командасы), «Үздік ойыншы» – Марат Есмұратов  («Ардагер» командасы) марапатталды.

Жеңімпаз және жүлдегер командаларға кубок, диплом, ақшалай сыйақы, үздік ойыншыларға естелік сыйлықтар берілді.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<