Денсаулық сақтау министрлігінің ресми өкілі Бағдат Қожахметов Damumed қосымшасына байланысты жанжал шыққан хабарламаларға қатысты пікір білдірді, – деп хабарлайды Tengrinews.kz тілшісі.
«Соңғы күндері әлеуметтік желілерде пайдаланушылар медициналық қызметтердің ақпараттық жүйесін талқылап жатыр. Жүйеде науқасқа көрсетілмеген қызмет туралы мәлімет жазылған. Бұл – шынымен бұрмалау, қазір оны тексеріп жатырмыз. Азаматтардың белсенді болуының арқасында жүйенің дұрыс жұмыс істеуін қамтамасыз ете аламыз және болашақта қайталанбауы үшін олқылықтарын анықтаймыз. ДСМ, МӘМС-тегілер олқылықтарды түбегейлі жоюды көздеп отыр», – деді ДСМ ресми өкілі Бағдат Қожахметов ОКҚ-да өткен онлайн-брифингте.
Оның айтуынша, ақша үш есе көп болып қайтарылған және салымшылар қаражатының сақталуына алаңдамауға болады.
Еске салайық, Мәжіліс төрағасының орынбасары Владимир Божко әлеуметтік желіде Damumed қосымшасында дәрігерлерге жазылмаған адамдарды жазылған деп көрсетілген тізімге қатысты наразалық білдірген болатын. Ол компания басшысы денсаулық сақтау министрінің жалақасынан екі еседей көп алатынын айтқан.
>>> Біздің Facebook, Instagram парақшаларымыз бен Telegram каналымызға жазылыңыз! <<<
