Алтын сатып алғандар саны артқан

549

0

2021 жылдың тамыз айында қазақстандықтар екінші деңгейлі банктер мен жекелеген банктік емес айырбастау пункттерінен жалпы салмағы 113,7 кг 2460 өлшенген құйма сатып алған, деп жазады Egemen.kz.

Халыққа тазартылған алтын құймаларды сату және сатып алу бағдарламасын Ұлттық Банк 2017 жылы іске қосты. Бағдарлама жүзеге асқалы жалпы салмағы 2,3 тонна 62 838 алтын құйма сатылған.

«Алтын құймалардың бес түрі ұсынылады: 5, 10, 20, 50 және 100 г. Сатып алушылар арасында ең көп сұранысқа ие болғаны – 10 грамдық құйма. Оның жалпы сатылымдағы үлесі 29% – 18 267 дана. Одан кейін 100 грамдық құйма – 14 273 дана (23%) және 20 грамдық құйма – 12 314 дана (20%), 5 грамдық құйма – 10 376 дана (16%), 50 грамдық құйма – 7 608 дана (12%). Негізінен, өлшенген құймалар Алматы, Нұр-Сұлтан және Атырау қалаларында сұранысқа ие.

Алтын құймалар сенімді инвестициялық құрал бола алады. Банктер мен банктік емес айырбастау пункттерінің клиентке ақшасын төлеп, құймаларды «күнбе-күн» сатып ала алатын мүмкіндігі – алтын құймалар нарығының өтімділігін қамтамасыз етуде негізгі факторға айналып отыр», деп жазады банктің баспасөз қызметі.

Қазіргі уақытта алтын құймаларды Halyk Bank, Еуразиялық банк, Jusan Bank, Банк ЦентрКредит, сондай-ақ банктік емес айырбастау пункттерінде сатып алуға және сатуға болады.

«Әр құйма қорғаныс элементтерімен (құймалардың айна беті, микротекст және рельефтің шеті), құймаларды механикалық зақымданудан қорғайтын және пакеттің ашылған-ашылмағанын тексеруді жеңілдететін арнайы қаптамамен шығарылады. Қорғаныс қаптамасы, сонымен қатар, құйманың сапа сертификаты бола алады. Сондықтан құйманы сақтағанда мұқият болып, ораманы ашпаған жөн», деп ескертеді банк.

Пікірлер жоқ. Бірінші болыңыз!

Пікір жазыңыз