Қызылордада «Ashyq» жобасы арқылы «сары түс» жағдайындағы 2 адам анықталды. Бұл туралы облыстық кәсіпкерлер палатасының сарапшысы Малика Тютебаева айтты.
Жобаға қатысып жатқан кәсіпкерлер «сары түс» жағдайындағы екі адамды «Ashyq» қосымшасы арқылы анықталғаннан кейін ғимаратқа кіргізбеген. Олар тиісті ақпаратты құзырлы органдарға берген.
Бүгінде облыста «Ashyq» жобасы арқылы 26 кәсіпкерлік нысан арнайы QR код алған. Оның ішінде 7-еуі тесттік режимнен сәтті өтіп, жұмысын толық бастап кетті. Қалған 19 нысан әзірге тесттік режимде жұмыс істеуде.
Еліміздің Бас санитарлық дәрігерінің қаулысына сәйкес 26 сәуірден бастап Қызылорда облысы «Ashyq» жобасына енді. Жобаға фитнес-клубтар (йога орталықтарын қоса алғанда), спа-орталықтар, сауналар, бассейндер, компьютерлік клубтар, PlayStation клубтарын қоса алғанда (16 жасқа дейінгі тұлғаларды қоспағанда), боулинг клубтары, кинотеатрлар, театрлар және филармониялар, банкет залдарын, асхана, фаст-фуд, стрит-фуд үлгісіндегі объектілерді қоспағанда қоғамдық тамақтану объектілері, ерікті қатысушылар, облысаралық және қалааралық жүйелі месе (туристік) тасымалдар, бильярд клубтары, концерт залдар қатыса алады.
Ал 5 мамырдан бастап, караокеге, жасыл аймақтағы банкет залдарына (толтырылуы бір залда 50 адамға дейін, 1 келушіге кемінде 4 шаршы метр) қатысуға болады.
«Ashyq» жобасына тіркелу кәсіпкерлерге бірқатар артықшылықтар береді. Мысалы, егер облыс эпидахуал бойынша «қызыл» аймаққа енген болса, онда жобаға қатысушы кәсіпкерлер «сары» аймаққа қойылатын тәртіп бойынша жұмыс істей алады. Ал егер өңір «сары» аймақта болса, онда кәсіпкерлер «жасыл» аймақтағы артықшылықтарды қолдана алады, – дейді М.Тютебаева.
Жоғарыда аталған қаулыда жоқ нысандар да жобаға тіркеліп, жұмыс істеуіне мүмкіндік бар. Алайда оларға аталған артықшылықтар берілмейді. «Ashyq» жобасына қатысты сауалдар туындаған жағдайда облыстық кәсіпкерлер палатасының мамандары кеңес беріп, сүйемелдеуге әзір. Жауапты маман – палатаның сарапшысы Гүлнұр Құрмантаева. Байланыс нөмірлері: 8 /7242/ 40-09-81 (ішкі 4324), +7 771 479 7582.
Облыстық кәсіпкерлер палатасының баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
