Биылғы оқу жылының ІV тоқсанында барлық білім беру ұйымдары қашықтан оқытуға көшті. Мектебіміз өз жоспарына сґйкес оқу-ґдістемелік, ғылыми-ізденіс, қоғамдық-тґрбие бағыттары бойынша жұмыстарын атқарып келеді. Әлеуметтік серіктес мекемелермен жґне Қорқыт ата атындағы мемлекеттік университеттің «Қазақстан тарихы жґне ґлеуметтік саяси ғылымдар», «Педагогика жґне психология» кафедраларымен бірлесе жұмыс жасауын тоқтатқан жоқ.
Мұғалімдер туындаған қиындыққа қарамастан цифрлық білім беру ресурстары, электрондық оқулықтарды, электрондық журналдарды тиімді пайдаланып, аталған жағдайларға тез бейімделді. Оқу-əдістемелік құжаттарды негізге ала отырып, білім беру платформаларының алгоритмін тиімді пайдаланды. Видеосабақтар дайындап, оны əлеуметтік желілерге жүктеп отырды. Бұл мұғалімдеріміздің əдістемелік құзыреттілігін, шебер сабақ үлгісін, екінші жағынан оқушылармен кері байланыс жасаудың тиімді жолдарын көрсетті. Төтенше жағдай кезеңінде де мектеп бітірушілерді алаңдатып отырған сынақтар – мемлекеттік қорытынды аттестаттау мен Ұлттық бірыңғай тестілеуге дайындық күн тәртібінен түскен емес.
Қашықтан оқытуға қарамастан, жыл басында жасалған жоспарлы дайындық жұмыстары жалғасын тапты. Ұстаздар ҰБТ-ға дайындаудың түрлі оңтайлы тәсілдерін іздестіріп, қиындықтан шығудың жолдарын қарастырды. Соның нәтижесінде қашықтан оқытудың онлайн, офлайн түрлерін пайдаланып, ҰБТ-ға дайындық жұмыстарын әр оқушыға жеке-жеке дайындық кестесімен жүргізуде. Әр пән мұғалімі өзіне оңтайлы әдіс-тәсілдерді пайдаланды.
Ұстаздар оқушыларға білім беріп қана қоймай, оларға психологиялық қолдау да жасауда. 9,11 сынып оқушыларының алдында тұрған басты мәселе – болашақ мамандығын таңдау. Үздіксіз кәсіби бағдар жұмыстары бойынша бейінділікке байланысты онлайн, офлайн негізінде сауалнамалар, бейнеконференциялар жүргізіліп, TIMS, ZOOM платформасымен вебинарлар өткізілді. Айта кететін болсақ, 11-сынып түлектері, ата-аналарымен бірге ZOOM платформасында Қорқыт ата атындағы Қызылорда мемлекеттік университетінің ұйымдастыруымен өткізілген бейнеконференцияларға, колледждер ұйымдастырған вебинарлар мен сауалнамаларға қатысты. Мағлұматтар әлеуметтік желілер арқылы түлектер мен ата-аналарға таратылып, ата-аналардың сұрақтарына жауап беріп, үздіксіз байланыс жүргізілуде.
Облыстық оқу орталығының (әдістемелік кабинет) ұйымдастырумен М.Мәметова атындағы Қызылорда педагогикалық жоғары колледжі, медициналық жоғары колледжі, И.Әбдікәрімов атындағы Қызылорда аграрлық техникалық жоғары колледжі мектеп бітіруші түлектерге колледж базасындағы мамандықтарды таныстырып, құжат тапсыру жолдарын, жатақханаға орналасу ретін, сонымен қатар колледжде көрсетілетін әлеуметтік көмек жұмыстары туралы түсіндіріп өтті.
Ұстаздар ғылыми ізденіс жұмыстарын да тоқтатпады. Шәкірттерімен бірге түрлі онлайн байқаулар мен ғылыми жобаларға қатысты. Интеллектуалды білім порталдарының пәндік олимпиадаларынан, ғылыми жоба қорғау, мәнерлеп оқу сайыстарынан, сурет байқауларынан, «Дарын» республикалық ғылыми-практикалық орталығының төтенше жағдай кезінде ұйымдастырған «Золотое руно», «Кенгуру», «КИО» олимпиадаларынан мұғалімдер мен оқушылар жүлделі орындарға ие болып, дипломдармен марапатталды. Сонымен бірге Қорқыт ата мемлекеттік университетінің педагогика және психология кафедрасының ұйымдастыруымен Абай Құнанбайұлының 175 жылдығына орай «Абай шығармаларының тағылымы» атты ғылыми жоба байқауына ZOOM платформасы арқылы мектебіміздің оқушысы қатысып, жүлделі үшінші орынды иемденді.
Тәрбиелік шаралар тыс қалған жоқ. Мамыр айындағы атаулы даталар 1 мамыр – Қазақстан халқының бірлігі күні, 7 мамыр – Отан қорғаушылар күні және 9 мамыр – Жеңіс күні мектеп оқушыларының қатысуымен 40-тан аса түрлі шара өтті. «Бірлік пен келісім» тақырыбындағы онлайн тәрбие сағатынан басталған іс-шаралар оқушылардың түрлі идеяларымен түсірілген бейнероликтер сайысына ұласты. Мектеп оқушылары 130-дан аса ұлт өкілі мекен еткен Қазақстан халқын сан түрлі тілде құттықтады. Ата-аналар балаларымен бірге патриоттық әндер орындап, мектеп тынысына, бала тәрбиесіне етене жақын екенін білдірді. Облыс әкімі бастаған «Жасампаз жасақ» интерактивті акциясына оқушылармен қатар мектеп ұстаздары қатысып, әкелері мен аталарының ерлігін баяндады.
Еріктілікті дамытудың 7 бағытын басымдыққа ала отырып мектеп оқушыларынан құрылған 10 еріктілер тобына «Ұшқыр ой», «Туған өлкем», «Кітап құрттары», «Қамқор бол!», «Қанатты достар», «Жасыл орта», «Біз біргеміз!», «Жас медиа», «Сабақтастық», «Ой жүйрік» деген атаулар берілді. Әр топтың құрамы белгіленіп, жұмыс жоспары бекітілген. «Ұшқыр ой» еріктілер тобы «Интернет кітапты алмастыра ала ма?», «Мектептерге бірыңғай мектеп формасын енгізу ақталады», т.б тақырыптарға дебат және зияткерлік ойындарын өткізіп, «Қамқор бол!» еріктілер тобы қарттар үйіне мерекелік бағдарлама қойып және қарт кісілерге ауласын, үй-жайын тазалауға көмек берді. «Жас медиа» еріктілер тобы Абай Құнанбайұлының 175 жылдық мерейтойы қарсаңында қала тұрғындарынан Абай өлеңдерін жалғастыруын сұрап, видеороликтер әзірлеп, өз жұмыстарын көрсетуде.
Мектеп ұжымы Қорқыт ата атындағы Қызылорда мемлекеттік университеті мен қалалық білім бөлімінің қолдауымен қала мектептері арасынан алғаш болып «Мектептегі кәсіптік бағдар: Тұлғаның кәсіби құндылығы және педагогика мамандығы» тақырыбындағы республикалық ғылыми-тәжірибелік онлайн-конференция өткізді. Конференция ZOOM бағдарламасы арқылы үш бағытта жүргізілді. Оқушыларға кәсіптік бағдар беру күрделі әлеуметтік-психологиялық жүйе десек, конференция тақырыбы осы мәселенің нақты теориялық негізі мен проблемаларын айқындады деуге әбден болады. Онлайн-конференция жұмысына профессор-оқытушылар, «Өрлеу» БАҰО» АҚФ, облыстық білім және ғылым қызметкерлері кәсіподақ ұйымы, қалалық білім бөлімі, ТжКБ, орта білім беру ұйымдарының басшылары, мектеп мұғалімдері, магистранттар, студенттер белсенділікпен қатысып отырды.
Конференцияның құндылығы – бүгінгі күннің, осы кезеңнің өзекті мәселесін қозғауында.
Пікірлер мен теориялық зерттеу негіздері мектептегі тәжірибемен бір арнаға тоғысқанда біздің қоғамдағы идеямыздың, қарайтын бағытымыздың бір екенін ұғындық. Ғалымдардың педагогикалық мамандыққа ұлттық бренд қалыптастыру жайлы әңгімелері көпшіліктің қызығушылығын тудырды. Қашықтан білім алу – адам дамуының үлкен мүмкіншілігі екенін дәлелдеп тұрғандай болды.
Барлық баяндамашылар кәсіби бағдар берудің маңыздылығы мен педагогикалық мамандықтарға тартылатын оқушылардың тұлғалық ерекшеліктеріне тоқталып, талдады. Қоғамдағы мұғалім рөлін арттырудың мазмұнды жолдары мен педагог мәртебесі, қашықтықтан оқыту – заман талабы екеніне тоқталып өтті.
Жалпы білім берудің заманауи әдісті дұрыс ұйымдастыру қазіргі заманның басты талабы болып қала береді.
Айгүл МҰСАБАЕВА,
Абылай хан атындағы №140 қазақ орта мектебінің директоры, доцент.
>>> Біздің Facebook, Instagram парақшаларымыз бен Telegram каналымызға жазылыңыз! <<<
