Өткен жылы Сыр өңірінде 8 мың тоннадан астам балық ауланды. Осылайша балық аулаудың жылдық көлемі 8186 тоннаны құрады. Бұл туралы облыс әкімі Қырымбек Көшербаев халық алдындағы есепті кездесуінде айтты.
Ауланған балықтың басым бөлігі аймақтың 8 өңдеу зауытында өңделуде. Аталған зауыттардың жылдық қуаттылығы 11 мың тоннадан асады.
Оған қоса, өз өнімдерін Еуропалық Одақ елдеріне экспорттауға мүмкіндік беретін «Еврокод» есептік нөмірі төрт кәсіпорында бар.
2018 жылы Польша, Голландия, Германия, Литва, Грузия, Украина, Ресей және Қытайға 3802,8 тонна балық өнімдері экспортталды.
Айта кету керек, Қызылорда облысы 2018 жылы алғаш рет Қытайға 80 тонна балық өнімдерін экспорттады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
