Марина Вольнова – Венгрияда өткен жарыстың қола жүлдегері

126

0

Жерлесіміз, Лондон Олимпиадасының қола жүлдегері Марина Вольнова халықаралық жарыста жүлделі орынға ие болды.
Қазалылық қайсар қыз Венгрияның Дебрецен қаласында Иштван Бочкайды еске алуға арналған халықаралық турнирге қатысып, қола медальді қанжығалады. Байрақты бәсекеде 69 келі салмақта бақ сынаған жерлесіміз ақтық сынға шығар жолда жергілікті боксшыға есе жіберді.
Ұзақ жылғы үзілістен кейін өткен жылы шаршы алаңға қайта оралған Марина үшін бұл жеңістің орны ерекше.
Ескеріңізге сала кетейік, Қазалы қаласында дүниеге келген Марина Вольнова тұманды Альбионда айды аспанға бір шығарып, Олимпиадада әйелдер арасындағы бокстан Қазақстан қоржынына алғашқы медальді салған болатын.
Қазалы ауданы әкімінің баспасөз қызметі