31 мамырда сағат 10:23 шамасында Қызылорда қалалық Полиция басқармасының Ақсай полиция бөліміндегі Боран-5 экипажының полиция қызметкерлері өздеріне бекітілген әкімшілік аймақтарын аралау барысында тұрғын үйлердің бірінен өрт шыққанын байқаған.
Экипаж қызметкерлері яғни, полиция капитаны Тастыбаев Бақытжан мен полиция аға лейтенанты Қуаныш Әділетке үйге кіру үшін терезені сындыруға тура келген. Полицейлер өртке оранған үйге бірнеше қайтара кіріп, зардап шеккен адамдарды бірінен соң бірін сыртқа шығарып, өмірлеріне араша болды. Өрт сөндірушілер мен жедел-жәрдем бригадасы келіп жеткенге дейін полицейлер 5 тұрғынды өрттен құтқарды. Бес адамның бірі бүлдіршін мен жүкті әйел болғаны анықталды.
Жедел жәрдем мен ТЖД-нің өрт қызметкелері келемін дегенше, полиция қызметкерлері шұғыл әрекеттер атқарған. Оқиға болған аймаққа қосымша Боран-6 қызметкерлерімен №6 учаскелік полиция пунктінің қызметкерлері жіберіліп, аймақты қоршау жұмыстары атқарылды. Төтенше жағдайлар департаментімен оқиғаға байланысты өрттің шығу себебі анықталуда.
Полицейлердің өзі ерлік жасадым деп санамайды.
– Полициядағы қызмет – адамдарға күнделікті көмек көрсету. Бұл – біздің жұмысымыз. Мен ерекше іс істедім деп ойламаймын. Бұл жағдайда кез келген адам осылай жасар еді, – дейді полиция капитаны Тастыбаев Бақытжан.
>>> Біздің Facebook, Instagram парақшаларымыз бен Telegram каналымызға жазылыңыз! <<<
