25-те жалындап жасқанбадым,
Шығардым тау мен тастың «тас-талқанын»…
Сырдың суы келместей сирағымнан,
Тыныштық бермеуші еді «тасқан қаным…»
30 бен 40-та да жасқанбадым,
Бұйырған несібеден аш қалмадым…
Көктемде атып алып жүруші едім,
Айдын көлдің қаздар мен қасқалдағын…
50 мен 60-та да жасқанбадым,
Өмірдің бастым солай баспалдағын…
70-тен асқан кезде жүрек сезді,
Баяулау жүрісімнің басталғанын…
Алдымда 80-ім мен 90-ым бар,
Көңілді бәйге атындай қосқаным бар…
ЖАРАТҚАН Ай жарылқап ғұмыр берсе,
Жасамақ алда талай жоспарым бар…
80-іңде сезесің «күз» дегенді,
90-да табу қиын іздегенді.
Бәріңе тілейтінім тек жақсылық,
Баршаңа Алла берсін 100 дегенді!
Қарттарым, мереке құтты болсын!
Қазыбек Әшірбекұлы,
ҚР ІІМ-нің Еңбек және Құрметті ардагері,
Қазақстан Журналистер одағының мүшесі
>>> Біздің Facebook, Instagram парақшаларымыз бен Telegram каналымызға жазылыңыз! <<<
