Болсыншы жаның жаннатта!

1065

0

Хабардың мынау тосыны-ай,

Сену де қиын шошымай.

Әскербек өткен өмірден,

Аяулы, асыл досым-ай.

Ажалдың алдан тосуы-ай,

Өмір дегенің осы ма-ай.

Бөлінбей сан жыл бір жүрген,

Досым-ай, мойын қосым-ай.

Осы ма өмір дегенің,

Бұл жайға қалай сенейін.

Ажалға келген не шара,

Амал жоқ, қайтем, көнейін.

Суыт та хабар сұрқын-ай,

Тояр ма ажал құлқыны-ай.

Дүниеден өтті бір ақын,

Құлады жырдың бір туы-ай.

Ажал сұм, адам таңдап па,

Көнерміз мынау салмаққа.

Аяулы,  асыл досым-ай,

Болсыншы жаның жаннатта.

Махмұтбай ӘМІРЕҰЛЫ,

Нұр-Сұлтан қаласы.

Пікірлер жоқ. Бірінші болыңыз!

Пікір жазыңыз