Бүгінгі таңда Қызылорда қаласында 37 әлеуметтік дүкен жұмыс жасауда. Оның 3-еуі ет бағытындағы дүкендер.
Әлеуметтік дүкендерді жалға алу жөнінде З.Шүкіров, 62 мекенжайында орналасқан «Байқоңыр» әлеуметтік-кәсіпкерлік корпорациясының бас ғимаратына барып өтінім (қағаз жүзінде) береді.
Дүкендерді жалға алу үшін:
- Өтінім беру (қағаз жүзінде);
- Жалға алушының жеке кәсіпкер ретінде (ИП) тіркелуі шарт;
- Салықтық берешегі жоқ екендігі жөнінде анықтама;
- Несие тарихы туралы анықтама;
- Жалға алушы корпорацияның дербес шотына бастапқыда 1 000 000 (бір миллион) теңге қаржы салып, анықтамасын өткізу қажет;
Әлеуметтік дүкен кәсіпкерге ақысыз жалға беріледі.
Толығырақ ақпаратты +7 (705) 888-55-48 (WhatsApp) байланыс нөмірі арқылы алуға болады.
«Байқоңыр» әлеуметтік-кәсіпкерлік корпорациясының баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<