Әзербайжанда ең қарт сайлаушы 134 жаста

154

0

Фото: Мухтор Холдорбеков/Kazinform

Әзербайжанның Орталық сайлау комиссиясы дүйсенбі күні елдегі сайлаушылар саны туралы жаңа деректерді жариялады.

– Санау қорытындысы бойынша елдегі сайлаушылардың бірыңғай тізіміне 6 миллион 326 764 адам енгізілді, – деді Орталық сайлау комиссиясының төрағасы Мазахир Панахов.

Айтуынша, оның 47,55 пайызы – ерлер, 52,45 пайызы – әйелдер.

Орталық сайлау комиссиясының басшысы ең қарт сайлаушы 1890 жылы туған 134 жастағы Тамам Алиқызы Азизова екенін атап өтті.

Ал ерлер арасынан ең қарт сайлаушы – 1915 жылы туған Хилал Ибрагимов 108 жаста.

Мазахир Панахов 2 мамырда кезекті отырыста парламент сайлауына дайындықты жеделдетуді тапсырды.

– Біз дайындықты қазірдің өзінде бастауымыз керек. Қаңтардан бастап сайлаушылар тізімдері нақтыланады, – деді М.Панахов.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<