Мемлекет басшысы Н.Ә.Назарбаевтың бастамасымен 2014 жылдан бастап дәстүрлі түрде өткізіліп келе жатқан «Мерейлі отбасы» байқауының облыстық кезеңінде сырдариялық Бәйменовтер отбасы бас жүлде иеленді. Үлгілі әулет иелеріне байқаудың бас жүлдесін және республикалық кезеңге жолдаманы облыс әкімі Қ.Көшербаев табыстады. Жалпы, «Мерейлі отбасы» жалпыұлттық байқауының аймақтық кезеңіне 361 отбасы қатысқан. Айтулы байқау барысында Сырдария ауданына қарасты Шіркейлі ауылының атынан қатысқан Әбілқасымовтар отбасына «Өнегелі отбасы» номинациясы берілді. Мерекелік іс-шара концерттік бағдарламамен аяқталды. Бас жүлде иегерлері ағымдағы жылы қыркүйек айында Астана қаласында өтетін республикалық кезеңге қатысады деп жоспарлануда.
Сырдария ауданы әкімінің баспасөз қызметі.
>>> Біздің Facebook, Instagram парақшаларымыз бен Telegram каналымызға жазылыңыз! <<<
