Еуропа чемпионаты-2020 іріктеу турнирі аясында Ресей мен Қазақстан құрамаларының матчына билеттер сатылымға шықты. Бұл туралы РФ футбол одағының ресми сайтында мәлім етілді, деп хабарлайды ҚазАқпарат.
Ресей мен Қазақстан арасындағы ойын 9 қыркүйек күні мәскеу уақытымен 21:45-те, ал Нұр-Сұлтан қаласының уақытымен қыркүйектің 9-ынан 10-ына қараған түні сағат 00:45-те өтеді. Өтетін орны Калининград қаласының «Калининград» стадионы.
Билеттерді ресми оператор – KASSIR.RU сайтынан сатып алуға болады. Мәлім етілгендей, бір адамға 4 билеттен ғана беріледі.
Айта кетейік, қазіргі уақытта Қазақстан I топта үшінші орында тұр, Михал Билек командасының қоржынында алты ұпай бар. Топ көшбасшысы – Бельгия құрамасы (12 ұпай).
>>> Біздің Facebook, Instagram парақшаларымыз бен Telegram каналымызға жазылыңыз! <<<
