Самаралық өлкетанушы жазушының жаңа романын плагиат деп айыптады. Ал автор тарихи құжаттарды қолданғанын мәлімдеді. Кітап 1920 жылдардағы аштықтан жетімдерді құтқару туралы. Қазақ даласы арқылы, Қызылқұмды бойлап, Түркістан арқылы Самарқанға сапар машақаты суреттелген Гузели Яхинаның «Самарқанға эшелон» атты жаңа романы әлеуметтік желілерде дау тудырды.
Самаралық этнограф Григорий Циденков өз блогының көшірмесі деп мәлімдеді. Мұны жазушының өзі жоққа шығарады.
Кітап өткен сейсенбіде сатылымға шықты. Рроман оқиғасы өткен ғасырдың 20-шы жылдарын қамтиды. Повесте Қызыл Армияның жас жауынгері Деев пен балалар ісі жөніндегі комиссар Белая Қазаннан Самарқандқа аштыққа ұшыраған жетім балаларды алып шығады.
Яхина романының бірнеше үзінділері бұқаралық ақпарат құралдарында жарияланды. Өткен аптада MyBook кітап қызметін пайдаланушылар Гузель Яхинаны ең танымал орыс жазушысы деп атады. Ол плагиат туралы айыптауды жоққа шығарып, роман тарихи оқиғаларға негізделгенін, сондықтан эпизодтар көптеген басқа зерттеушілердің жарияланымдарымен ұқсас болуы мүмкін екенін атап өтті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
