Әнші Марат Омаров той өткізген мейрамханаға қатысты тексеру басталды

550

0

Бұл туралы қалалық Полиция департаментінің баспасөз қызметіне сілтеме жасап Egemen.kz  хабарлайды.

Полицияның мәліметінше, мейрамхана қожайынына айыппұл салу мәселелері қаралуда.

«Аталған жайт бойынша 12.04.2021 жылы Шымкент қаласы Тәуке хан даңғылы бойындағы Кен баба саябағында орналасқан «КАРАВАН« кафесінің иесінен түсініктеме алынып, Әл-Фараби ауданы бойынша санитарлық-эпидемиологиялық бақылау басқармасына іс-құжаттар жолданды» делінген хабарламада.

Айта кетейік, бұған дейін әлеуметтік желілерде әнші Марат Омаровтың шымкенттік дәмханалардың бірінде отбасылық той өткізгені туралы ақпарат тараған болатын. Танымал композитордың қызы Зүлфия Омарованың ұзатылу тойының көріністерін қонақтары видеоға түсіріп, желіге жүктеп жіберген.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<